Besmir Esati
Tradhëtia është kanceri më i madh që mund të ketë një komb . Si të gjithë popujt e tjerë që në gjak e kanë tradhëtinë , njësoj edhe populli shqiptar e ka tradhëtinë në gjakun e saj Kuq e Zi . E sidomos tradhëtia më e madhe , qëndron tek elita politike që në vend të bashkimit të popullit , ata vetëm e përçajnë atë ! Ky është qëllimi i tyre i famshëm .
Historia jonë e madhe dhe e bukur , njeh tek vetja e saj tradhëtarë , nga më të ndryshmit .
Populli ynë e njeh këtë sëmundje të kombit që nga fillimi ynë që njihemi si komb . Me një fjalë do të thoja se ky popull e njeh tradhëtinë , që kur u krijua toka . Zanafilla e tradhëtisë tek populli ynë është shumë e hershme .
Kjo është ajo e vërtet , që duhet të shpaloset më mirë para popullit tonë .
“Pa u vra tradhëtia nuk mund të bashkohet Shqipëria .” – thoshte Ismail Qemali . “
Nëse shikojmë historinë e popullit tonë mund të shihet mjaft qartë se tradhëtia e popullit tonë , ekziston që nga kohërat e lashta dhe jo vetëm :
Në vitin 229 para krishtit , ushtritë romake me 200 anije u nisën kundër ilirëve . Dhimitër Fari , komandant i Teutës , që ndodhej në Korkyrën e pushtuar nga ilirët ua dorëzoi qytetin romakëve , të cilët me kohë pushtuan Apoloninë , Dyrrahun , duke kaluar në veri kundër Isës dhe Farit .
Në këtë humbje të madhe me romakët , ndikoi drejtpërdrejt tradhëtia e Dhimitër Farit , i cili ua dorëzoi romakëve edhe flotën ilire .
Por historia e tradhëtisë shqiptare ndër shekuj nuk mbaron këtu . Pasi që kjo vazhdon … vetëm vazhdon … vetëm vazhdon dhe nuk do të ketë mbarim për shumë vjet . Realitet idhur , por që duhet pranuar .
Një veprim tjetër që na ka dëmtuar imazhin tonë si popull i traditave , kulturës është Tradhëtia e pabesë e Hamza Kastriotit .
Hamza Kastrioti ishte nipi dhe bashkëpunëtori më i ngushtë i Gjergj Kastrotit dhe komplet e humbi shpresën për të qenë trashëgimtarë i heroit tonë kombëtar , duke kaluar kështu në anën e osmanëve , dhe udhëhoqi trupat në mbështetje të osmanëve më 1457 .
Hamzai ishte ai “hero” i osmanëve që u zgjodh nga sulltani për të udhëhequr osmanët në luftë kundër Shqipërisë në Betejën e Ujëbardhës ku edhe osmanët e humbën betejën dhe kështu u zbulua tradhëtia e pabesë e Hamza Kastriotit .
Vitet e shek. XX ishin vitet e tradhëtive të vazhdueshme tek populli shqiptar . Ndër të tjerash mund të veçojmë edhe tradhëtinë e Esat Pashë Toptanit , i cili ishte i gatshëm të shiste Shqipërinë . Por plumbi i një të riu shqiptar , i’a tregoi vendin e tij dhe e vrau për të mirën e popullit shqiptar .
Më 13 qershor 1920 , Avni Rrustemi vrau me atentat Esat Pashën në Francë dhe i’a shpërbleu në mënyrën më të mirë tradhëtitë e tij ndaj shqiptarëve .
Ne mendojmë se tradhëtitë tek shqiptarët kanë mbaruar , por kjo është e pa-vërtet .
Tradhëtisë shqiptare ende nuk i është dhënë pika e fundit dhe populli të jetë i lirë në mënyrën më të mirë të mundshme .
Neve na kanë tradhëtuar gjatë gjithë jetës sonë për 2000 vjet . Që nga kohërat më të lashta e deri në vitet e shek. XXI , tradhëtia tek shqiptarët është në shkallë të lartë dhe po bëhet nga lloj-lloj agjendurash anti-shqiptare . Kjo është mallkimi kryesor , që ka hyrë në popullin shqiptar .
Tani vetëm zoti e di se kur shqiptarët do të ndërgjegjësohen për t’i dhënë fund këtij mallkimi dhe t’a sjellin paqen e vërtet në vendin tonë .
