“Thaçi është duke e imituar 100% vëllanë e tij, Erdoganin”

Deputeti i NISMA-s, Milaim Zeka, ka deklaruar se nuk e mbështet presidentin Hashim Thaçi për udhëheqjen e dialogut me Serbinë.

Baby Boo

“Për mua Hashim Thaçi nuk është i duhuri për udhëheqjen e grupit negociator për dialogun me Serbinë. Nuk e mbështes Thaçin për kryenegociator”.

“Ku qëndrim i imi vjen veçanërisht pas deklaratave të fundit. E para kur Thaçi tha se do të jenë kompromise të dhimbshme, dhe e dyta e Bekim Çollakut, njëri nga personat më të afërt të Thaçit, i cili tha se do të bëhen kompromise të dhimbshme mirëpo nuk mund të flasin sepse janë sekrete. Kjo më ka krijuar bindjen se bisedimet veçse janë zhvilluar”.

Zeka gjatë një interviste në Info Magazine të Klan Kosovës, ka drejtuar kritika ndaj presidentit Hashim Thaçi, përderisa e krahasoi atë me presidentin e Turqisë, Recep Tayyip Erdogan.

“Thaçi është duke e imituar 100% vëllanë e tij, Erdoganin. Ky i fundit e shndërroi Turqinë në shtet presidencial dhe Thaçi e ka këtë qëllim”.

Restorant Lumare