Lidhja Demokratike e Kosovës do të përballet me probleme të reja, pasi një deputet i Kuvendit të Kosovës ka humbur mandatin, shkruan Gazeta Metro.
Deputeti Etem Arifi ka humbur mandatin për shkak se është i dënuar me 1 vit e tre muaj burgim me vendim të plotfuqishëm.
Vota e Arifit, që vjen nga Partia e Ashkalinjve për Integrim, kishte qenë e llogaritur nga LDK-ja që po synon të formojë qeverinë e re duke ia vështirësuar më shumë punën për sigurimin e votave.
Arifi është dënuar për veprën penale “Mashtrim me subvencione”.
Lajmin e ka publikuar këshilltari i kryeministrit në detyrë Albin Kurtit, Erzen Vraniqi, duke thënë se Kuvendi tanimë ka 119 deputetë.
