Të shtunën mbahet mbledhja për zgjedhjen e Qeverisë së re

Kryetari i Kuvendit, Talat Xhaferi, mbledhjen për zgjedhje të përbërjes së re të qeverisë do ta thirr të shtunën, më 15 janar 2022, në orën 11:00.

Baby Boo

Këtë Xhaferi ia kumtoi mandatarit Dimitar Kovaçevski në takimin e sotëm, kur ai në Kuvend ia dorëzoi propozimet për përbërje të qeverisë së re dhe programit për punë.

“Sot, mandatari për formimin e Qeverisë së re të Republikës së Maqedonisë së Veriut, Dimitar Kovaçevski, zyrtarisht ia dorëzoi kryetarit të Kuvendit, Talat Xhaferi, Propozim- përbërjen dhe Propozim-programin e punës së Qeverisë së re. Në takim theksoi se pret që zgjedhja e anëtarëve të Qeverisë dhe programi i saj të miratohen pa prolongim”, kumtoi shërbimi i Kuvendit për shtyp.

Kryetari Xhaferi në këtë takim e informoi Kovaçevskin se seancën për zgjedhjen e përbërjes së re të Qeverisë do ta konvokojë të shtunën.