Sulmohen vëllezërit shqiptar në portin e Zvicrës

Një zënkë e ashpër është shkaktuar të martën e 8 majit të këtij viti, në portin e Portalbanit në Zvicër.

Baby Boo

Dy vëllezër shqiptarë që kanë qenë duke riparuar barkën e tyre, janë sulmuar nga disa persona.

Në vendngjarje kanë shkuar së paku tre patrulla policore dhe dy ambulanca, shkruan “20 Minutes”, përcjell Albinfo.ch.

Më pas kanë arritur edhe disa policë civilë. Ashtu si edhe banorët e Portalbanit, një fshat me rreth 700 banorë, edhe dëshmitari Claude është habitur me atë se çfarë ndodhi në port, të martën e 8 majit, rreth mesditës. E pyetur për rastin në fjalë, policia e Fribourgut vetëm se ka deklaruar që “hetimet janë në rrjedhë e sipër”.

Sipas informatave të së përditshmes “20 Minutes”, ditën e kobshme, dy vëllezër që kanë qenë duke riparuar barkën e tyre, kanë filluar zënkën me disa persona që kishin ardhur për t’i takuar. Situata kishte eskaluar. “Ata u zunë duke përdorë shufra metalike dhe mjete të punës që i kanë pasur në afërsi. Barka u mbulua me gjak. Unë iu rrëfeva hetuesve policorë atë që e dija”, ka pohuar një banor i fshatit. “Për këta persona nuk do të flas aspak, më mirë të heshti”, kë nënvizuar një dëshmitar.

Sipas rrethanave aktuale, dy pista janë të mundshme lidhur me ngjarjen: ajo e luftës midis dy klaneve, apo qërimi i hesapeve rreth një trafikimi të lëndëve narkotike.

“Sulmi është udhëhequr nga një trafikant i njohur i lëndëve narkotike në Kantonin e Fribourgut, i cili i akuzonte dy vëllezërit se ia kishin vjedhur 50 kilogramë marihuanë”, ka rrëfyer një person, i cili është mirë i informuar me këtë rreth. Ai është habitur nga prania e njërit vëlla në Zvicër:

“Një herë ka qenë i dënuar për trafikim të lëndëve narkotike. Zyrtarisht, ai jeton në Maqedoni”. Për momentin, policia nuk jep informata të tjera.