Specializantëve privat nuk iu paguhen kontributet shëndetësore, madje bëjnë kujdestari pa pagesë. Kujdestaritë nuk janë paguar edhe për një pjesë të madhe të specializantëve shtetërorë. Bozhidar Koçoski nga Shoqata e mjekëve dhe specializantëve të rinj thotë se specializantët poashtu nuk kanë të drejtë për pushim të lindjes, e as nuk u ushqim edhe pse bëjnë kujdestari nga 12 orë.
“Çështjet që duhet të zgjidhen janë kujdestaritë dhe kompensimi i natës, kontributet e paguara, transformimi i marrëveshjeve të bashkëfinancimit. Në veçanti, edukimi i mjekëve të rinj, transferimi i njohurive që t’i përshtaten nevojave të popullatës. Të përfshihet një kornizë e plotë që do të projektojë nevojat e popullatës në të ardhmen. Të parashihen kufijtë e moshës, shkuarjen e mjekëve në pension. Dhe të analizojmë vendet ku kemi një mungesë kronike të mjekëve”, tha Bozhidar Koçoski nga Shoqata e mjekëve dhe specializantëve të rinj.
Ministri i shëndetësisë Venko Filipçe tre ditë më parë shpalosi ndryshimet e reja në ligjin për mbrojtje shëndetësore. Sipas tij ndryshimet e reja ulin sanksionimin ndaj specializantëve shtetërorë në rastet kur ata braktisin specializimet, para afatit të parashikuar për përfundimin e tyre. Deri më sot, braktisja e specializimit sanksionohej me 5 deri në 10 herë më shtrenjtë se sa vetë specializimi.
“Shuma e cila duhet të kthehet në qoftë se dikush vendos të largohet nga institucioni do të jetë dyfish më e madhe e jo 10 fish më e madhe ashtu siç ka qenë deri tash”, deklaroi ministri i Shëndetësisë, Venko Filipçe.
Nga shoqata e mjekëve të rinj apelojnë deri të institucionet që kërkesat e tyre t’i marrin parasysh pasi që shumica e tyre bëhen gati për të ikur nga Maqedonia. Sipas tyre Gjermania është destinacioni të cilin mjekët nga Maqedonia e Veriut e zgjedhin më shpesh për të punuar, por këtu është edhe Zvicra dhe vende tjera të Evropës. Gjatë 5 viteve të fundit rreth 900 mjekë kanë i kërkuar dokumentet e tyre nga Oda e Mjekëve e Maqedonisë që të mund të angazhohen jashtë.
