“Skëndërbeu, me nënë serbe”: Çfarë tha në të vërtetë Dritan Abazoviç


Deputeti shqiptar Dritan Abazoviç është shqiptari që vendosi se kush do të qeverisë në Malin e Zi duke çuar në opozitë Milo Gjukanoviçin pas gati tre dekadave qeverisje.
Më herët, mediat serbe rikthyen në mënyrë të cunguar deklaratat e tij në lidhje me vendosjen e një busti të Skëndërbeut në Ulqin si edhe prejardhjes së heroit tonë kombëtar.

Më vonë, Abazoviç shpjegoi se nuk kishte thënë se familja e Skëndërbeut ishte serbe dhe se do ta dëshironte një bust të tijin në Ulqin, edhe pse më mirë do të ishte vendosja e përmendoreve të tjera.
Gazetari: A do të ngrihet përmendorja e Skënderbeut në Ulqin?
Abazovic: Unë mendoj se do të vendoset gjatë vitit 2019 dhe mendoj se Skënderbeu pavarësisht perceptimit, megjithatë është nje personalitet pajtues për këtë rajon, nëse historia lexohet në mënyrë të gabuar, e dini se nëna tij ka qenë sllave apo serbe dhe babai… dhe unë mendoj se se ai ka qenë i pari që iu ka përgjigjur në mënyrë të organizuar në atë hapësirë asaj që ishte Perandori Osmane, unë mendoj se ai është nje personalitet pajtues.

Por sa më përket mua personalisht unë mendoj se Ulqini duhet të fitojë diçka tjetër, mendoj se duhet të kemi përmendore për marinarët tanë, për flotën e madhe detare që e kishin për Servantesin, për Sabati Zevin që ka vdekur në Mal të Zi.
Më vonë, për këtë intervistë kishte bërë një sqarim në rrjetet sociale.

Të nderuar,
Që kur filloi çështje e “zarfit” dhe demaskimi i të gjitha çështjeve që jam duke folur me vite, qeveria ka filluar me fushatën brutale kundër meje. Pse? Sepse unë jam i vetmi politikan nga radhët e pakicave nacionale që vazhdimisht luftoj kundër tyre, i shkatërroj konceptet e tyre ndaj pakicave nacionale që i mbajnë si peng dhe garant të politikave të tyre të dështuara dhe të korruptuara, dhe sepse kam kontakte shumë të mira ndërkombëtare.

Është tejet transparente dhe po aq qesharake, por shoh njerëz që vazhdojnë të besojnë. Të njëjtën ditë në mëngjes isha i lidhur me nacionalistët nga DF-i, gjoja se kemi përgaditur një marrëveshje, e cila nuk është absolutisht e saktë, dhe pastaj në mbrëmje filluan me një goditje tjetër.
Përpjekja e fundit ka ndodhur përmes emisonit ku u pyeta për ngritjen e përmendores së Skënderbeut në Ulqin (të cilen e mbështes fuqishëm), ku në mënyrë tejet ironike, satirike, me humor kam konfirmuar gazetarin në deklaratën e pasaktë në lidhje me babain e herojit, duke u përpjekur që ta përqeshë udhëheqësin e emisionit që insistonte drejtë temave nacionaliste që kishin për fokus ndarjen.

Të gjithë atyre që nuk e kuptuan humorin tim, JU KËRKOJ FALJE.
Fare është e qartë se babai i Skënderbeut ishte shqiptar dhe se ai është prindi i djalit më të ngrritur në historinë e popullit shqiptar! Pra, Skederbeu cilsohet si babai i kombit tonë.
Nga ana tjetër unë jam i befasuar nga ata që pretendojnë se e dinë historinë e kombit shqipëtar më mirë, nuk e spjegojnë se si është e mundur që prej popullit që ka dhanë aq shumë viktima, rriten njerëz të cilët janë të gatshëm që për interesa te imëta shesin nderin dhe dinjitetin e vet.

Dhe gjëresa të rinjtë shqiptarë (dhe qytetarë të tjerë) i mbushin çantat e tyre dhe ikin për Shtetet e Bashkuara dhe vende të tjera perëndimore, duke lënë vendlindjen e tyre, shumica e atyre që kritikojnë tani kritikojnë dhe mbështesin fushatën kundër meje (me përjashtim të disave), si kurrë më parë në mënyrë të vendosur mbështesin regjimin kriminal!
Pra, shpresoj që ky paradoks është i lehtë për t’u kuptuar. Megjithatë, as njohuria, as dinjiteti nuk është cilësi e çdo qenieje njerëzore!

Baby Boo