Gjykimi në lidhje me vdekjen e Tamara Dimovska nga Velesi, është shtyrë për më 17 shtator për dy nga gjithsej 12 të akuzuar, të cilët duhet të përgatitin mbrojtjen dhe të lexojnë të dhënat.
Gjykatësi Marin Stanevski të akuzuarve Maja Parnarxhieva-Zmejkova dhe Shaban Memeti në seancën e sotme ju dorëzoi aktakuzën, në mënyrë që ata të përgatitin mbrojtjen, përcjell Telegrafi Maqedoni.
Në seancën e sotme nuk mori pjesë i akuzuari Aleksandar Stojanoviq, për të cilin gjykata nuk ka provë për ftesë të rregullt për pjesëmarrje në seancë.
Avokatët e disa të akuzuarve thanë se me aktin prokuror nuk u janë dorëzuar edhe dëshmitë materiale, të cilat janë thuajse 10 mijë faqe.
Përndryshe, Tamara Dimovska ndërroi jetë në vitin 2015 duke pritur që të operohet jashtë shtetit, ndërsa opinioni reagoi ashpër duke fajësuar Ministrinë e Shëndetësisë dhe të punësuarit në institucionet tjera.
