Tre persona kanë mbetur të plagosur pasi një kamion, që drejtohej nga një shtetas shqiptar i Maqedonisë së Veriut, u përplas me një veturë Mercedes-Benz në aksin rrugor Elbasan-Peqin
Të plagosurit me iniciale S.K., H.K., dhe E. K., pasagjerë në Benz, u dërguan në spitalin e Elbasanit dhe ndodhen jashtë rrezikut për jetën.
“Ngjarja ndodhi në fshatin Papër ku kamioni me drejtues maqedonasin me iniciale H.F., banues në Tetovë u përplas me “Benzin”, me drejtues shtetasin me iniciale M.K., banues Laknas, Tiranë,”-raporton policia shqiptare.
Grupi hetimor ndodhet në vendngjarje dhe po punon për zbardhjen e shkakut të aksidentit.
