SHOQATË ME EMRIN E FERDINAND DEDËS KU PUNONIN PROSTITUTA, ARRESTOHET KREU I ORGANIZATËS (EMRI)

Policia arreston Shpëtim Çekrezin, kreu i ‘shoqatës’ në emër të artistit Ferdinand Deda. Në fakt shoqata ishte ngritur për shfrytëzim prostitucioni, ku fillimisht vajzat rekrutoheshin si sekretare. Shpëtim Çekrezi, u arrestua pas denoncimit në emisionin investigativ “Fiks Fare”, për veprën penale “Shfrytëzim Prostitucioni”.

Baby Boo

Policia bën me dije se ka vënë në pranga Shpëtim Çekrezi, 45 vjeç, banues në fshatin Dardhë, Librazhd.

“Arrestimi i këtij shtetasi u bë pasi ky shtetas, (Kryetar i Shoqatës Artistike “Ferdinand Deda”, në Tiranë), siguronte vajza me qëllim përfitimi për shfrytëzim prostitucioni në Maqedoni.

Po vijon puna për dokumentimin e plotë të kësaj veprimtarie, si dhe materialet janë referuar pranë Prokurorisë së Rrethit Gjyqësor Tiranë në ngarkim të shtetasit të lartpërmendur për veprën penale “Shfrytëzim për prostitucion”, parashikuar nga neni 110/a i Kodit Penal.

Policia e Shtetit falenderon median për bashkëpunimin dhe garanton se do të ndjekë me seriozitet çdo denoncim në media si dhe i fton qytetarët që për çdo paligjshmëri që konstatojnë të telefonojnë në numrin pa pagesë 112”, njofton policia.