Në RMV qëndrojnë 531 qytetarë nga Afganistani
Mbrëmë në Aeroportin Ndërkombëtar të Shkupit, ka mbërritur grupi prej 131 qytetarëve të Afganistanit. Bëhet fjalë për punonjës në OKB, për të cilët RMV-ja ka siguruar strehim të përkohshme deri në largimin e tyre për në vendet e treta.
Pas aterimit, sic thuhet në një komunikatë nga Qeveria, është zbatuar procedura standarde – kontrolli i sigurisë dhe testimi PCR.
Afganët përkohësisht do të akomodohen në Shkup, kurse harxhimet tërësisht do të mbulohen nga OKB.
Për momentin në Maqedoninë e Veriut qëndrojnë 531 qytetarë nga Afganistani për të cilët institucionet sigurojnë mbështetjen dhe ndihmën e nevojshme.
Nga RMV-ja deri tani janë larguar 84 qytetarë afganë, ku strehim të përhershëm u siguruan Franca, Greqia, Irlanda, Portugalia dhe Brazili.
