Sheiku Mansour “hap thesin”, paguan shpenzimet e tifozëve për finalen

Pronari i Manchester City ka vendosur të bëjë një dhuratë për tifozët që do të udhëtojnë drejt Portos për të mbështetur skuadrën në finalen e Ligës së Kampionëve kundër Chelsea-t, e planifikuar për t’u zhvilluar më 29 maj. Sheiku Mansour do të mbulojë kostot e fluturimit dhe udhëtimit për në Portugali për të gjithë fansat.

Baby Boo

“Mijëra mbështetës të Citizens do të përfitojnë nga iniciativa e krijuar për të lehtësuar presionin ekonomik me të cilin tifozët janë përballur dhe po përballen akoma nga situata e komplikuar për shkak të ndikimit të pandemisë Covid-19,” lexohet në njoftimin e klubit.

“I vetëdijshëm se pandemia ka prekur të gjithë tifozët e Manchester City-t dhe ka shkaktuar një rritje në kostot e udhëtimit, Sheiku Mansour ka kërkuar të heqë pengesën më të rëndësishme financiare për tifozët që duan të jenë në finale. Shpenzimet e fryra të për shkak të pandemisë, plus pagesat që duhen për testet PCR, e bëjnë udhëtimin të papërballueshëm për shumë prej atyre mbështetësve që do të kenë fatin për t’u pajisur me biletë.

Pep dhe ekipi kanë pasur një sezon të jashtëzakonshëm dhe arritja në finalen e Ligës së Kampionëve, pas një viti shumë të ngarkuar, është një moment me të vërtetë historik për klubin.
Prandaj, është tepër e rëndësishme që sa më shumë tifozët të na mbështesin në këtë ndeshje të veçantë. Sidomos ata që e kanë mbështetur Manchester City-n në kohë të mira dhe të këqija për kaq shumë vite”.

Restorant Lumare