Shtetet e Bashkuara të Amerikës, kanë uruar Kosovë dhe Izraelin për vendosjen e raporteve diplomatike mes dy vendeve.
Zëdhënësi i Departamentit të Shtetit, Ned Price, përmes një video-mesazhi ka uruar të dy shtetet, Kosovën dhe Izraelin për formalizmin e raporteve diplomatike. Ai tutje ka thënë se Amerika do t’i qëndrojë në krah Kosovës derisa vazhdon të lëvizë përpara drejt rrugës euro-atlantike.
“Shtetet e Bashkuara të Amerikës përgëzojnë Izraelin dhe Kosovën për formalizmin e raporteve diplomatike. Kjo ditë ishte historike. Lidhjet më të thella ndërkombëtare ndihmojnë në promovimin e paqes dhe prosperitetit për të dy rajonet. Kur partnerët tonë janë të bashkuar, SHBA është e fortë. Amerika do t’i qëndrojë në krah Kosovës derisa vazhdon të lëvizë përpara drejt rrugës euro-atlantike”, ka thënë Price përmes një video-mesazh në Twitter.
