SHBA dhe aleatët sulmojnë Sirinë

Pas paralajmërimit të presidentit Trump, se do të marrë një vendim mbi Sirinë, pritja ka marrë fund tashmë.

Baby Boo Tinex

Në mbështetje të SHBA-ve janë rreshtuar edhe Britania e Madhe me Francën, të cilat po marrin pjesë në këtë ofensivë, ndërsa Theresa May e konfirmoi edhe zyrtarisht praninë e flotës britanike në sulmin ndaj Sirisë.

Vetë presidenti Trump lajmëroi se ka urdhëruar një sulm ajror me goditje preçize, për të mos dëmtuar qytetarët sirianë, ndërsa besohet se kjo do të jetë ofensiva më e madhe e aleatëve, kundër regjimit të Assadit.

“Një operacion i kombinuar me forcat e armatosura të Francës dhe Britanisë së Madhe, është duke u zhvilluar tani”, deklaroi presidenti Trump para pak orësh.

Objektivi i raketave të aleatëve për momentin janë vetëm bazat ku dyshohet se regjimi i Assadit ruan armët kimike, ndërsa raportohet se shpërthimet janë ndjerë edhe pranë Damaskut.

Ky sulm vjen vetëm disa ditë pasi SHBA-të akuzuan Sirinë për përdorim të armëve kimike në qytetin e Doumës, ndërsa ende pritet me interes reagimi i Rusisë, që kërcënoi me luftë, nëse sulmohet Siria.

Ambasadori i Rusisë në SHBA u shpreh se sulmi ndaj regjimit të Assad, vend aleat i tyre, nuk do të kalojë pa pasoja. Ndërsa Presidenti Trump e ka cilësuar të drejtë këtë sulm. “Britania e Madhe, Franca dhe SHBA kanë drejtuar fuqinë e tyre kundër barbarizmit dhe brutalitetit”, theksoi kreu i Shtëpisë së Bardhë.

Ndërkohë, televizioni shtetëror sirian tha se forcat qeveritare të Bashar al Assad kishin qëlluar raketat e lëshuara drejt tyre për t’i rrëzuar dhe pretendon se vetëm një objekt në Damask është dëmtuar. Kurse Gjenerali amerikan Joseph Dunford renditi tre objektiva që ishin shkatërruar nga sulmet.

Restorant Lumare