SHBA: AKTIVITETET RUSE NË BALLKAN JANË DESTABILIZUESE

Për shkak të vendimit të Athinës zyrtare për të dëbuar dy diplomatë rusë nën arsyetimin se ata kanë tentuar që ta bllokojnë marrëveshjen historike mes Maqedonisë dhe Greqisë për çështjen e emrit, Rusia ka thirrur ambasadorin e Greqisë në Moskë, për të protestuar vendimin e Athinës zyrtare.

Baby Boo

Këtë e ka bërë të ditur Ministria e Jashtme ruse nëpërmjet një komunikate, ku thuhet se ka thirrur në takim ambasadorin Andreas Fryganas për t’i shprehur siç thuhet në komunikatë, kundërshtimin në lidhje me dëbimin e dy diplomatëve rusë dhe ndalimin që të hyjnë në Greqi të dy diplomatëve të tjerë.

Lidhur me hapjen e samitit të NATO-s, Moska ka akuzuar Shtetet e Bashkuara se qëndrojnë prapa këtij vendimi të Qeverisë greke, të cilin ata e cilësojnë si anti-rus.

Ndërkaq, Qeveria greke më datë 11 korrik, ka deklaruar se pas ndërhyrjes së zyrtarëve rusë në çështjen e emrit me Maqedoninë, ajo ka ndërmarrë të gjitha masat e nevojshme për të mbrojtur interesin kombëtar.

Televizioni publik grek ERT1 ka thënë se Athina akuzon dy diplomatët rusë për nxitje të protestave që synonin bllokomin e marrëveshjes me Shkupin.

Greqia dhe Maqedonia kanë arritur marrëveshjen për emrin, pas pothuajse dy dekadash, duke larguar kështu pengesën kryesore për ish-republikën jugosllave në rrugën për t’u anëtarësuar në NATO dhe Bashkimin Evropian, gjë që kundërshtohet fuqishëm nga Rusia.

Ndërsa së fundi ka reaguar edhe Ministri i Mbrojtjes së SHBA-së, Xhejms Matis, i cili ka deklaruar se aktivitetet e Rusisë në Evropën Juglindore kanë karakter destabilizues.

XHEJMS MATIS, MINISTRI I MBROJTJES SË SHBA-SË
“Aktivitetet e Rusisë në Evropën Juglindore janë faktor destabilizues. Ata (rusët) e minojnë strukturën demokratike të vendeve (nga ky rajon) përmes përhapjes së informacioneve të rreme, masave ekonomike dhe përzierjes”

Matis këtë e ka thënë në bisedën me gazetarët rrugës nga Kroacia për në Norvegji. Në Zagreb ai u takua me ministrin e Mbrojtjes të vendeve nga Karta e Adriatikut


Restorant Lumare