Sëmundja misterioze në Indi: Një person vdes, 200 të tjerë hospitalizohen

Të paktën një person ka vdekur dhe 200 të tjerë janë në spital në Indi, për shkak të një sëmundje misterioze.

Baby Boo

Rastet e para u zbuluan të shtunën në mbrëmje në qytetin antik të Eluru, në shtetin e Andhra Pradesh.
Pacientët vuajnë nga simptoma që variojnë nga të përzierat dhe ankthi deri në kriza, konvulsione dhe humbje të vetëdijes, thanë mjekët, por ata kanë rezultuar negativisht për COVID-19.

Një burrë 45-vjeçar i cili ishte në spital me simptoma të ngjashme me epilepsinë dhe të përzierat vdiq të dielën në mbrëmje.

Deri më tani, mostrat e ujit nga zonat e prekura nuk kanë treguar ndonjë shenjë të ndotjes, megjithëse të sëmurët mendohet se kanë mbledhur ujin e tyre nga i njëjti burim. Sipas raporteve, një shënim i lëshuar nga departamenti shëndetësor i Andhra Pradesh tha se testet fillestare të gjakut nuk gjetën ndonjë provë të një infeksioni viral, të tilla si encefaliti japonez, dengue ose chikungunya – sëmundje të cilat janë shkaktuar nga pickimi i mushkonjave.

Ministri indian Jagan Mohan Reddy vizitoi një spital dhe takoi pacientët të cilët ishin të sëmurë të hënën.
Kreu i opozitës N Chandrababu Naidu shkroi në Tëitter për të kërkuar një “hetim të paanshëm, të plotë për incidentin”.

Kjo vjen ndërsa India vazhdon të goditet keq nga rritja e rasteve të koronavirusit.
Sipas Universitetit Johns Hopkins, i cili po ndjek pandeminë në të gjithë botën, India ka regjistruar më shumë se 9.6 milion raste, e dyta vetëm në SH.B.A., dhe më shumë se 140,500 vdekje – e treta në SHBA dhe Brazil.

Andhra Pradesh është vndi i goditur më së shumti nga virusi me më shumë se 800,000 raste të zbuluara.
Sistemi shëndetësor në shtet, si pjesa tjetër e Indisë, është dobësuar nga presioni i madh nga pandemia.