Një ditë më parë Putin dha urdhër për gatishmëri të lartë të forcave bërthamore.
Sekretari i mbrojtjes i Mbretërisë së Bashkuar, Ben Wallace, tha për BBC Breakfast se veprimet e Putinit janë dënuar nga komuniteti ndërkombëtar.
“Ai nuk mund të harrojë faktin se shoku i tij i vetëm më i mirë për momentin duket të jetë Presidenti i Bjellorusisë… ai duhet të kuptojë se është padyshim në anën e gabuar të historisë këtu,” tha Wallace.
Ai thotë se Britania e Madhe nuk sheh ndonjë ndryshim në qëndrimin bërthamor të Rusisë.
Sekretari i Mbrojtjes thotë se Britania është gjithashtu një fuqi bërthamore dhe Putini do të dijë se çdo gjë që përfshin një armë bërthamore ka një përgjigje të barabartë ose më të madhe nga Perëndimi.
Sipas Wallace, Britania e Madhe nuk do të bëjë asgjë për të përshkallëzuar situatën bërthamore, por “kjo është një betejë retorike dhe ne vetëm duhet të sigurohemi që ta menaxhojmë siç duhet”.
“Ukrainasit po bëjnë një luftë shumë të fortë”, tha Ben wallace, duke shtuar se presidenti rus Vladimir Putin ka bërë një “llogaritje të gabuar” duke u bindur se populli ukrainas po priste të çlirohej.
Kjo do të thotë se rusët duhet të rivendosin planin e tyre, të ngadalësojnë ose edhe të luajnë me kohën.
“Një nga frikërat më të mëdha është nëse Putin e di se çfarë po ndodh në Ukrainë? A po i thonë njerëzit të vërtetën?”.
Wallace thotë se ushtria e Federatës Ruse është prapa planit, ata po marrin viktima të konsiderueshme dhe po ndiejnë refuzim publik në pjesë të sistemit rus, përfshirë protestat në shtëpinë e tyre.
“Por manuali rus është që të bëhen më të dhunshëm dhe të angazhohen me më shumë forca, sepse në thelb në doktrinën ruse jetët e ushtarëve të tyre kanë shumë më pak rëndësi sesa në forcat e tjera të armatosura,” thotë ai.
“Ne duhet të përgatitemi për atë që mund të vijë më pas, e cila mund të jetë bombardimi i pamëshirshëm pa dallim i qyteteve dhe shtytja përpara e ushtarëve dhe nivelet e larta të viktimave dhe kjo do të jetë e tmerrshme.”
