Në emisionin “360 gradë” në Alsat u bisedua rreth lodrave të fëmijëve në Maqedoni, ku sipas në shumicën e rasteve këto lodra janë të dëmshme për zhvillimin fizik dhe psikik të fëmijës.
Shoqata “Gazetar për të drejtat e njeriut” kanë arritur të analizojnë tregun e lodrave të fëmijëve në Maqedoni për disa vite ku konstatohet se lodrat e fëmijëve nuk i përmbushin aspektet fizike të sigurisë dhe se përmbajnë ftalate që kanë ndikim negativ në shëndetin e fëmijëve, njofton Telegrafi Maqedoni.
Sipas tyre, lodrat në Maqedoni nuk kanë asnjë informacion për detajet e lodrës dhe se mbi 80% e lodrave të testuara në Maqedoni tejkalojnë 85 decibel të lejuara të zhurmës të përshkruar nga Organizata Botërore e Shëndetësisë, ndërsa nga 150 lodrat e testuara për toksiket, te 95 është konfirmuar toksiteti.
Nga Organizata e konsumatorëve apelojë tek inspektorët kompetent të kontrollojnë tregjet e lodrave të fëmijëve dhe blerësit të lexojnë me kujdes deklarimet, duke i kushtuar vëmendje vendit të origjinës të lodrave.
