Rriten çmimet e veturave në Evropë


Edhe pse çmimet janë duke u përmirësuar minimalisht, nuk duhet pritur një ndryshim i trendit, për shkak të normës së lartë të inflacionit. Për Focusonline, motori më i madh gjerman i kërkimit për tregun e makinave të përdorura Mobile.de, ka përzgjedhur 10 modele në të cilat rritja e çmimit është më e theksuar. Krahasimi është bërë ndërmjet marsit 2021 dhe marsit 2022.

Rritja mesatare e çmimeve të të gjitha makinave të përdorura të listuara në Mobile.de gjatë kësaj periudhe ishte 23.1%, dhe interesant është se numri i reklamave ra me 24.3%. Kjo tregon se tregu i makinave të përdorura po zbrazet dalëngadalë. Këto janë dhjetë modelet me rritjen më të lartë të çmimeve:

1) Volkswagen Polo
Çmimi mesatar për një Polo të përdorur (motor benzine) është rritur me 38% brenda një viti. Në mars 2021, një makinë e vogël qyteti ishte në dispozicion për një mesatare prej 10.105 euro, dhe aktualisht është mesatarisht 13.941 euro.

2) Volkswagen Golf
Çmimet u rritën me 31%. Një Golf i përdorur me naftë kushton sot mesatarisht 20.018 euro – pothuajse po aq sa Golf 8 i ri me motor benzine (20.395 euro).

3) Volkswagen Touran
Çmimi mesatar i Touran në një vit u rrit me 24% në 21.653 euro.

4) Audi A6
Numri i Audi A6-ve të përdorura në njoftime ra me rreth 21% gjatë vitit dhe çmimet u rritën me 24.5% në një mesatare prej 36.000 euro.

5) Mercedes S Class
Mercedes S-Class po bëhet edhe më i rrallë në reklama, është ulur oferta e dizelit (minus 38%), për të cilin kërkohen mesatarisht 72.622 euro (rritje prej 11.4%).

6) Mercedes G Class
Me një rritje çmimi prej 38% – shuma mesatare për një G-Class të përdorur është 166.689 euro.

7) Fiat 500
Çmimet e vogëlushit italian janë rritur me 18.8% – që do të thotë se duhet të lini mënjanë mesatarisht mbi 13,400 euro për versionin me benzinë.

8) Mini Cooper
Mini është mesatarisht 21.3% më i shtrenjtë, oferta është ulur për 11%, ndërsa çmimi mesatar është 15.789 euro.

9) Toyota Prius
Një makinë e përballueshme si Toyota Prius duhet të jetë një magnet për klientët për momentin. Sipas portalit Mobile.de, çmimi mesatar është rritur me “vetëm” 13.6%.

10) Tesla Model 3
Çmimet e makinës elektrike më të kërkuar në treg janë befasuese. Edhe pse ne prisnim rritje të lartë, çmimi mesatar i Tesla Model 3 u rrit me vetëm 6.3% në 48.721 euro. /albinfo.ch

Baby Boo