RMV, maturantët që do të jenë në izolim do të japin provimin e maturës në afat tjetër provimi në fund të qershorit


Nxënësit në vitin e fundit të shkollës së mesme, të cilët për shkak të sëmundjes nuk do të jenë në gjendje të marrin pjesë në provimin e maturës shtetërore më 5 dhe 11 qershor, do të jenë në gjendje ta bëjnë këtë në fund të qershorit, e për datat e sakta do të ketë informatë plotësuese nga Qendra shtetërore për provime (QSHP), raporton Meta, përcjell Portalb.mk.

Elizabeta Naumovska, drejtoresha e QSHP, institucion që e organizon provimin e pjekurisë, thotë se kjo vlen për maturantët të cilët në atë periudhë do të gjenden në izolim për shkak të testit pozitiv.
Ndërkohë, megjithëse ka ende kohë deri në provim, profesorët të cilët i kontaktuam thonë se ata po punojnë me nxënësit dhe tashmë janë duke u përgatitur për maturë.

“Ne planifikojmë për këta nxënës të ketë edhe një afat, me çka do t’u japim mundësi të gjithë fëmijëve, të cilët do të jenë pozitivë ose të izoluar, të kenë mundësi që provimin e sesionit të qershorit ta japin në fund të qershorit”, tha Naumovska, e cila shton se ata nxënës që nuk do të jenë në gjendje të japin provimin në afatin e dytë, do të hynë në provimin e maturës në gusht.

“Nxënësit, të cilët do të jenë pozitivë në kovid-19, do të duhet të paraqesin vendime që do t’i miratojë dhe nënshkruaj Inspektorati shtetëror shëndetësor dhe sanitar”, tha drejtoresha e Qendrës shtetërore për provim, Naumovska.
Ajo kujton se vendimi duhet të ketë një numër arkivi, një vulë, kështu që nuk do të ketë vend për falsifikim të dokumenteve.

“Do të pranojmë vetëm dokumente zyrtare, gjegjësisht shkollat ​​do të mbajnë shënime dhe ato do të garantojnë ato gjëra. Nëse ka nxënës që janë në pushim mjekësor për shkak të ndonjë problemi tjetër shëndetësor, ata do të hynë në provim në gusht. Do të ketë disa që mund të jenë jashtë vendit dhe në karantinë, kështu që ata do të duhet të paraqesin prova për këtë nga një institucion zyrtar,” tha Naumovska.

Nxënësit do të japin provimin e maturës shtetërore më 5 qershor (gjuhë amtare) dhe më 11 qershor (matematikë ose anglisht).
Përveç këtyre dy provimeve të detyrueshme, maturantët do të marrin provime të brendshme të organizuara nga vetë shkolla, pas 11 qershorit. Nëse ndonjë nxënës dështon në një provim të brendshëm në qershor, ai/ajo do të duhet të marrë hyn në provim në afatin e gushtit.

Drejtoresha e QSHP-së thotë se udhëzime janë dërguaredhe në universitete për mënyrën e pranimit të nxënësve në fakultet.
“Kam informacion se fakultetet e Universitetit”Sh. Kirili dhe Metodi”tashmë po krijojnë konkurse për regjistrimin e studentëve të rinj,” tha Naumovska, duke shtuar se provimet e jashtme do të vlerësohen me një koeficient më të lartë.

“Për provim të jashtëm, mund të merren maksimumi 12 pikë, pra për të dy – 24 pikë. Provimet e brendshme do të vlerësohen me maksimumi 6 pikë, dmth gjithsej 12 pikë dhe detyra e projektit do të sjellë maksimumi 4 pikë. Pra, një maturant mund të marrë 40 pikë nga rezultati i provimit të diplomimit dhe 60 nga mesatarja e notave në arsimin e mesëm”, shpjegoi Naumovska.

Nxënësit do të japin provime me fizike në shkolla. Tashmëka protokoll të miratuar nga Komisioni për sëmundjet infektive dhe Qeveria. Shkollat ​​janë informuar se në klasëduhet të jenë maksimumi 15 nxënës. Kur ka më shumë nxënës dhe më pak klasa, drejtorët kanë detyrimin të organizojnë provimin në një shkollë fillore ku ka kushte për të kryer provimin. Testet e provimeve të jashtme janë duke u shtypur.

Ushtrojmë lexim me të të kuptuar
Ljupka Bocevska është profesoreshë e gjuhës maqedonase në shkollën e mesme “Orce Nikollov”. Punon me maturantët, të cilët kanë përgatitje intensive për testin e maturës.
“Pasi të përfundojmë me analizën e planifikuar të punimit, do të kemi patjetër një orë për të rishikuar pyetjet në lidhje me atë punim që kanë rënë në vitet e mëparshme të testeve të maturës”, tha profesoresha Bocevska.

Ajo mendon se tani është më e lehtë për ta bërë këtë duke ndarë një ekran në mënyrë që të gjithë nxënësit të shohin pyetjet “nga afër”.
“Për fushën e gjuhës, përdorim shembuj dhe pyetje konkrete që kërkojnë zbatim praktik të njohurive, pasi në fakt shtrohen pyetjet e maturës shtetërore. Ata gjithashtu marrin udhëzime për tekstin që duhet të shkruajnë për të provuar aftësinë e tyre për të shkruar. Në fakt, detyra me shkrim që ata bënë ishte në tema nga jeta shoqërore, nga jeta e të rinjve, diçka në frymën e temave që janë vendosur në maturën shtetëror për vite me radhë”, tha profesoresha.

Në njërën nga orët e mësimit I kanë analizuar detyrat me shkrim, nxënësit kanë vënë re gabimet e tyre, e më pas kanë dhanë udhëzime specifike në pjesën e argumentimit, që është çështja “më problematike” për nxënësit. Bocevska thekson se:
Mbetet vetëm për maturantët deri në fund të vitit shkollor të ushtrojnë pjesën “lexim me kuptim” dhe të përsërisin disa rregulla teknike në lidhje me testin.

Nuk është e lehtë as për nxënësit dhe as për profesorët
Sa i përket programit në lëndën gjuhë dhe letërsi maqedonase, siç thotë profesor Bocevska, ekziston një shkurtim i disa prej përmbajtjeve në programin e provimit, veçanërisht në fushën e letërsisë.
“Programi nuk përfshin punë që ishin të vështira për t’u bërë në mars, prill, maj 2020, sepse bibliotekat nuk po funksiononin atëherë dhe punimet nuk janë në dispozicion fare në formë elektronike. Po ashtu, nuk përfshihen përmbajtjet që u shkurtuan me programin mësimor për vitin e katërt për këtë vit akademik 2020/2021”, thotë Bocevska.

Ajo vë në pah se të gjithë jemi prekur nga kjo pandemi dhe nuk është e lehtë as për nxënësit, asd për mësimdhënësit, as për institucionet kompetente në procesin e përgatitjes dhe realizimit të matures shtetërore.
“Shumica e mësimdhënësve përpiqen t’i udhëzojnë nxënësit se si të përgatiten për këtë test të pjekurisë që duhet t’i përgatisë ata për shumë sfida të ngjashme në të ardhmen. Uroj fat përmaturantët. Besoj se ata do të jenë gjenerata që do të tregojë se ka arritur të tregojë cilësi dhe njohuri edhe në një situatë kaq të vështirë, të jashtëzakonshme dhe të pazakontë,” përfundon ajo.

U intereson ajo që do të “bjerë”
Përgatitjet për provimin e maturës janë duke u zhvilluar në shkollat ​​e mesme profesionale. Aleksandar Aleksovski, profesor i biologjisë në “Marija Kiri Sklodovska” thotë se rreth 50 nxënës kanë zgjodhur të marrin biologjinë si një nga lëndët e interne.

“Te unë, nxënësit janë kapur në befasi nga vendimi që biologjia mos të jetë lëndë e jashtme (eksterne), por e brendshme (interne). U intereson sa pikë do të sjellë provimi i brendshëm, si do të jepet provimi dhe kur. Unë nuk praktikoj shkurtim të materialit sepse në këtë rast nuk ka asgjë për të shkurtuar. Shkurtohet në orë, ushtrime, përsëritje, por përmbajtja është ajo”, thotë profesori Aleksovski.

Ai shton se gjatë përgatitjes për provim, ata shikojnë testet që kanë qenë pjesë e maturës që nga viti 2014, i konsiderojnë pyetjet nga ato teste.
“Ne nuk kemi asnjë problem sepse gjithçka u dihet dhe u mësohet atyre. Në vitin e katërt, bëhet rrumbullakimi i temave dhe aty në përgjithësi nuk ka problem”, thotë Aleksovski.

Baby Boo