Kryeministri Edi Rama së bashku me disa ekspertë dhe inxhinierë izraelitë inspektuan sot disa banesa të dëmtuara në Durrës.
“Janë prishur muret, por struktura shumë e qëndrueshme dhe do riparojmë dëmet në mure.
Muret janë si lëkura, dëmtohen, por nuk krijon rrezik.
Në këmbë na mban skeleti, jo lëkura.
Ky kompleks është i rikuperueshëm, nuk ka kolona të dëmtuara, thjesht muratura”, tha Rama, teksa shihte nga afër banesat.
Gjatë inspektimit nuk kanë munguar as batutat e Ramës me banorët.
“Këta janë nga Izraeli dhe janë njësha.
Inxhinieri thotë që pas katastrofës duhet ta puthësh shtëpinë tende, se ka qëndruar dhe ju ka mbrojtur”, i tha Rama një gruaje, që ishte ende e trembur nga gjithë sa kaloi.
