Radikali Vulin: Largimi im nga Qeveria do të ishte një dhuratë për Thaçin

Ministri i Mbrojtjes së Serbisë Aleksander Vulin i është kundërpërgjigjur kërkesës së Komitetit të Avokatëve për të Drejtat e Njeriut për të mos caktuar atë sërish në postin e ministrit të Mbrojtjes shkaku i shprehjeve raciste që ai ka përdorur për shqiptarët.

Baby Boo

Vulin ka thënë se kërkesa e Komitetit të Avokatëve për ta lënë atë jashtë kabinetit është një mesazh i ambasadave dhe ambasadorëve të cilët nuk duan të shohin një qeveri të re serbe shkruan Danas.

“Është mirë ta shohësh se unë nuk kam ndryshuar përgjatë këtyre viteve në pushtet, ata asnjëherë nuk kanë dashur të më shohin në parlament as në zyrën për Kosovën apo në qeveri. Largimi im do të ishte një dhuratë e mirë për Thaçin dhe ambasadorët. Është mëkat se si progresi i bërë në ushtri është I qartë, por për shkak të kësaj tërheqja ime do të ishte edhe më e vlefshme” ka thënë Vulin.