Putin dhe Poroshenko bisedojnë për shkëmbim të të burgosurve


Kremlini njofton se presidenti rus, Vladimir Putin dhe lideri ukrainas, Petro Poroshenko kanë biseduar për mundësinë e shkëmbimit të të burgosurve.
“Vëmendje e veçantë i është kushtuar çështjeve humanitare, përfshirë shkëmbimin e njerëzve që mbahen nga të dyja palët”, thuhet në deklaratën e lëshuar nga Kremlini sot, pasi dy liderët zhvilluan një bisedë telefonike.

Zyra e presidentit ukrainas, përmes një deklarate tha se dy liderët kanë biseduar sot dhe Poroshenko, në mënyrë specifike ka kërkuar lirimin e shtetasve ukrainas që po mbahen në Rusi, të cilët kanë hyrë në grevë urie.

Në mesin e tyre që Poroshenko bëri thirrje për lirim është edhe Oleh Sentsov, regjisor ukrainas, i cili është në grevë urie. Ai po mbahet në një burg në rajonin verior Yamalo-Nenets.

Senstov është në grevë urie që prej 14 majit dhe po kërkon që autoritetet ruse të lirojnë 64 shtetasit ukrainas, që ai i cilëson si të burgosur politikë.

Regjisori ukrainas, Senstov u arrestua më 2014 në Krime, pasi Rusia aneksoi këtë territor nga Ukraina. Një gjykatë ruse më 2015 e dënoi atë për planifikim të akteve terroriste. Ai hedh poshtë akuzat.

Baby Boo