Nëse jeni rritur në një vend perëndimor, ndoshta jeni mësuar të flini të mbështjellë në një shtrat të butë. Por kur hyni në një dhomë gjumi japoneze, ka shumë mundësi që të mos gjeni as një shtrat. Ka shumë arsye pse japonezët preferojnë të flenë gjumë në dysheme, dhe kjo nuk është vetëm një traditë ose për arsye të kursimit të hapësirës në apartamente të vogla. Rezulton se, gjumi në tokë ka disa përfitime mjaft mbresëlënëse shëndetësore.
1. Mund të lehtësojë dhimbjen e shpinës.
Të flesh në një sipërfaqe të fortë dhe të sheshtë është e mirë për shpinën tënde dhe mund të të çlirojë nga dhimbja që të shoqëron për vite me radhë. Ndërsa flini në një shtrat të butë sigurisht që ndihet i qetë, dysheku juaj mund të fillojë të ulet me kalimin e kohës, duke bërë që kurrizi juaj të lakohet dhe të çojë në dhimbje shpine. Në fakt, ekspertët mjekësorë rekomandojnë vendosjen e kompensatës nën dyshekun tuaj nëse është shumë e butë. Fjetja në dysheme do të mbajë shtrirjen e shtyllës kurrizore dhe do të parandalojë që trupi juaj të përdridhet në një pozicion të panatyrshëm.
2. Mund të përmirësojë qëndrimin tuaj.
Nëse flini në pozicionin e duhur dhe kurrizi juaj merr mbështetjen e duhur, do të jetë shumë më e lehtë për ju të mbani shpinën drejt gjatë ditës.
3. Mund të përmirësojë qarkullimin e gjakut.
Kur flini në dysheme, ajo rrit rrjedhën e gjakut, sepse pesha shpërndahet në mënyrë të barabartë dhe ka më pak presion në pjesë të ndryshme të trupit. Fjetja në një pozicion natyror gjithashtu do të parandalojë mpirjen dhe ndjesi shpimi gjilpërash të shkaktuara nga qarkullimi i dobët. Për shembull, nëse flini të mbështjellë anash, gjaku qarkullon dhe rrjedh përsëri në zemrën tuaj, duke shkaktuar probleme të ndryshme shëndetësore, si mpiksjen e gjakut dhe variçet.
4. Mund të ju ndihmojë të ngriheni në kohë.
Nëse e keni të vështirë të lini komoditetin e jastëkëve tuaj dhe të ngriheni nga shtrati në mëngjes, nuk jeni të vetmit. Kur flini në dysheme, ju keni marrë sasinë dhe cilësinë e duhur të gjumit dhe nuk jeni aq rehat sa të doni të shtriheni atje tërë ditën.
5. Është e përballueshme.
Kalimi në një shtrat dyshemeje gjithashtu do ta bëjë portofolin tuaj të lumtur. Fjetja në dysheme do t’ju kursejë shumë lekë, pasi nuk do të keni nevojë të blini një kornizë shtrati ose një themel për t’iu përshtatur dyshekut tuaj.
Kush duhet të shmangë gjumin në dysheme
Dyshemeja është sipërfaqja më e vështirë në të cilën mund të flesh dhe megjithëse të flesh pa dyshek ka shumë përfitime, nuk rekomandohet për disa grupe njerëzish.
Alergjikët. Për shkak se dyshemeja mbledh papastërti dhe pluhur, njerëzit që janë të prirur ndaj reaksioneve alergjike mund të pësojnë kollitje dhe rrjedhje hundësh.
Njerëzit me sëmundje të kockave. Nëse tashmë vuani nga një çrregullim serioz i kockave, gjumi në dysheme mund të bëjë më shumë dëm sesa dobi pasi mund të ushtrojë më shumë presion në nyjet tuaja.
Të moshuarit. Për shkak se lëvizja zvogëlohet me moshën, të moshuarit mund ta kenë të vështirë të flenë në dysheme.
