Prokuroria Publike konfirmon: Është kërkuar ndalimi i transaksioneve në Monako


Prokuroria Publike kërkoi ndaljen e transaksioneve financiere në Monako.

Prokuroria Publike që nga formimi i lëndës në lidhje me ndarjen e koncesionit për qendrat e dializave në Republikën e Maqedonisë, ndërmerr aktivitete për zbardhjen e rastit, njofton Telegrafi Maqedoni.

Gjatë procedurës, prokurori publike kompetent në periudhën e kaluar erdhi në përfundim se personi juridik – koncesionar i qendrave të dializës është tjetërsuar, dhe burimet financiere në një sasi të konsiderueshme janë transferuar në llogaritë në Monako. Nëpërmjet ndihmës juridike ndërkombëtare, është u dërgua kërkesës Principatës së Monakos për pezullimin e ekzekutimit të transaksioneve financiere në llogaritë ku janë transferuar para nga shitja e personit juridik në vlerë prej 11 milion eurove.

Në të njëjtën kohë, Prokuroria Publike për ndjekjen e krimit të organizuar dhe korrupsionit nga Principata e Monakos ka paraqitur një kërkesë për përfshirjen e prokurorit të tyre në hetim, ku prokuroria pozitivisht miratoi kërkesën.

Siç njoftoi TV NOVA, bëhet fjalë për llogaritë e pronarit jozyrtar të Diamed Maqedoni, Risto Novaçevski i cili është kumbar i Nikolla Gruevskit nga martesa e parë dhe llogaritë e Vera Ivanova, e cila është pronare zyrtare.

Sipas burimeve të NOVA Tvm gati se 11 milion euro, paratë e marra nga shitja e kompanisë Diamed Maqedoni u transferuan në Monako, nga ku institucionet kompetente të Maqedonisë ngrinë llogarinë e pronarit për 11 milion euro.

Baby Boo