Policia ndalon në aeroport rapsodin që këndoi kundër Albin Kurtit, e Hashim Thaçit i thoshte ‘Baba i Kombit’

Policia e Kosovës ka ndaluar në aeroportin Adem Jashari, rapsodin Nuredin Gashi, i cili jeton në Suedi. Gashi është ndaluar shkaku i publikimit të një këngë në YouTube, e cila i kushtohet liderit të VV’së Albin Kurti dhe ish’këshilltarit të tij Shkelzen Gashi, e që të dyve u referohet si tradhëtarë.
Lajmi për ndalimin e rapsodit me origjinë nga Drenica është bërë i ditur në disa faqe në Facebook, të cilat promovojnë UÇK’në dhe ish’pjesëtarët e saj.

Baby Shop Charli

Në njoftim thuhet se rapsodi Gashi është ndaluar nga Policia e Kosovës, pasi ishte denoncuar nga Vetëvendosje lidhur me një këngë të publikuar në YouTube, dhe e cila titullohet ‘Kush tradhëton atdheun e vetë e vr*et pushka me fishek’.
Sipas këtij njoftimi rapsodi Gashi është mbajtur në polici për rreth pesë orë, dhe më pas është liruar, pasi i ishte konfiskuar pasaporta suedeze, dhe me kushtin që të paraqitet në Drejtorinë e Kri*meve të Rënda në Prishtinë, sot në ora 11:00.

Ky rapsod i cili jeton në Suedi, një pjesë të këngëve të tij të cilat i publikon në YouTube ua kushton UÇK’së dhe ish’udhëheqësve të saj, e në veçanti Hashim Thaçit. Ai në një këngë të tillë, Thaçit i referohet si ‘Baba’. Ndërsa, në anën tjetër, ai në të njëjtat këngë nuk e lë pa su*lmuar edhe kundërshtarët politikë të Thaçit, sidomos Albin Kurtin dhe Lëvizjen Vetëvendosje.

Restorant Lumare
Sigma Doors