Personat që nxitën 27 prillin e përgjakshëm, po bëjnë shtab për bojkot të referendumit


28 organizata dhe parti politike kanë vendosur që të punojnë kundër referendumit dhe anëtarësimit të Maqedonisë në NATO dhe BE. Janë po këto persona të afërt me VMRO-DPMNE-në të OJQ-ve që nxitën ngjarjet e përgjakshme të 27 prillit në Kuvendin e Maqedonisë ku i sulmuan deputetët dhe kryeministrin.

Për disa ka dyshime se paguhen nga Rusia.

“Sot është një ditë e madhe për Maqedoninë pasi po bëhet bashkim i gjithë maqedonasve kundër referendumit dhe për bojkotim…Kjo që po ndodhë tani është sfida më e madhe e vendit tonë. Duan të na e shkatërrojmë emrin, gjuhën, kulturën e identitetin. Me një fjalë duan të na fshijnë nga harta e popujve të botës. Prandaj jemi mbledhur sot këtu, që mos tua lejojmë këtë gjë” tha Janko Baçev nga “Maqedonia e Vetme”.

Madje Baçev është ai që kërkonte referendum, kur ishte i bindur se i njëjti nuk do të ndodhë.

Këto organizata dhe parti politike do të formojnë një shtab i cili do të vijojë të zhvillojë propagandë kundër daljes në referendum dhe për bojkot, duke u thirrur në interesat kombëtare që këto organizime pohojnë se janë kërcënuar.

Edhe pse ky grup bën thirrje për bojkot dhe siguron se nëse Maqedonia e ndryshon emrin humb gjithçka, nga Qeveria thonë se qytetarët e dinë rëndësinë e këtij momenti historik dhe do të votojnë për të ardhmen e Maqedonisë.

Baby Boo