Pas aksidentit fatal qe i morri jetën të riut Ervis Taka ditën e djeshme, një tjetër aksident automobilistik ka ndodhur pasditen e kësaj të hënë në afërsi të Tepelenës. Ngjarja ka ndodhur në aksin rrugor Tepelenë-Memaliaj dhe fatmirësisht nuk ka persona të lënduar.
Në aksident janë përfshirë dy automjete, të cilat janë përplasur me njëra tjetërën.
Aksidenti ka shkaktuar edhe trafik, ndërsa policia ka mbërritur në vendin e ngjarjes për të menaxhuar trafikun, por edhe për të zbardhur rrethanat e përplasjes së dy makinave.
