Ka përfunduar seanca gjyqësore ndaj A.B dhe F.T, dy prej tre të arrestuarve për grabitjen e armatosur në Suharekë.
T7 raporton se sipas dosjes së Prokurorisë, A.B. akuzohet sa ka blerë 10 numra te telefonit për të kontaktuar me pronarin e automjetit “Chevrolet” me të cilin të dyshuarit u arratisën pas grabitjes.
Ai gjithashtu dyshohet se me letërnjoftim të të dyshuarit tjetër, Fatmir Tahiri e ka blerë njërin nga numrat e telefonit.
Avokatët mbrojtës Nuhi Berisha dhe Naim Kurtishi tjane se nuk ka asnjë baze ligjore per caktimin e masës së paraburgimit ndaj klientëve të tyre.
Vendimi për masën e paraburgimit u tha se do të merret sipas afatit të përcaktuar ligjor.
Argjendaria në qendër të Suharekës u grabit të mërkurën pasdite nga persona të maskuar dhe të armatosur, të cilët qëlluan drejt policëve, duke plagosur njërin e duke e lënduar një tjetër.
Sipas vlerësimeve fillestare, dëmi i shkaktuar vlerësohet të jetë rreth 200 mijë euro.
