Përfaqësimi i shqiptarëve në dogana, i papërfillshëm

Përfaqësimi në Doganat e Maqedonisë vazhdon të mbetet kundër-kushtetues. Raporti vjetor i Avokatit të Popullit shpalos të dhëna diskriminuese. Në vitin 2017, përfaqësimi i shqiptarëve në Dogana në total arrin në 15 për qind, ndërsa në vende udhëheqëse 11.4 për qind. Zëvendësdrejtori i Doganave të Maqedonisë, Irfan Buçi potencon nevojën e avancimit të shqiptarëve.

Baby Boo Tinex

15 për qind nuk plotëson kushtin 25 për qind ashtu siç jemi të paraparë. Por vlen të theksohet se ka një vullnet të mirë, si me drejtorin e doganave por edhe me Qeverinë jemi në komunikim të përhershëm. Këto ditë pres që të më arrijë lista e 40 administratorëve dhe me këtë pres që përfaqësimi të arrije deri ne 17 për qind – deklaroi Irfan Buçi, Zëvendësdrejtoren i Doganave.

Me emërimet e reja, përfaqësimi ka shënuar rritje në vendet udhëheqëse. Nga nëntë ndihmës drejtorët sa posedon dogana, dy sektorë do të udhëhiqen nga shqiptarët.

E kemi aktualisht një ndihmësdrejtor të Sektorit juridik dhe tani, pas kërkesës së lëshuar në ministrinë e Financave, presim që të na vije pëlqimi edhe për ndihmësdrejtorin e Sektorit për kontroll të brendshëm. Do të thotë nga nëntë ndihmësdrejtorët, katër janë më të rëndësishëm dhe këto i kemi ndarë, dy shqiptar dy maqedonas – tha Irfan Buçi, Zëvendësdrejtoren i Doganave.

Aktualisht shqiptarët udhëheqin me njësinë doganore të Kumanovës, krye-shefin për zbulim, njërin nga katër terminalet e Shkupit, terminalin e Tetovës dhe atë në Qaf Thanë. Deri më tani, doganat asnjëherë nuk janë udhëhequr nga drejtor ekzekutiv shqiptar.

Adrian Kerimi

Restorant Lumare