U gjet zgjidhja momentale për pastrimin e oborrit të qendrës klinike “Nënë Tereza” në Shkup, e cila ishte mbushur me grumbuj plehrash javët e fundit. Problemi nisi që kur ingerencat për pastrimin e klinikës , i kaluan Ministrisë së Shëndetësisë e cila nuk angazhoi firmë private pastrimi duke kërkuar pastrimin ta bëjë “Higjiena Komunale”. Nga kjo e fundit përkujtojnë ministrinë se pastrimi I oborrit nuk është në ingerencën e tyre.
Teksa minisria dhe Higjiena Komunale, u përfshinë në një zënkë institucionale se detyra e kujt është të pastrojë, oborri mbushej me plehrat që rrezikonin jetën e pacientëve, stafit dhe vizitorëve. Një gjë tashmë është sqaruar. Pastrimi i oborrit të klinikës nuk është në ingerenca të ndërrmarjes, por ende nuk dihet nëse pas këtij problem, Higjiena Komunale do ti marrë ingerencat për pastrimin e klinikës.
Aksioni i sotëm ishte vetëm shenjë e vullnetit të mirë që nga mosmarrëveshjet e institucioneve të mos pësojnë pacientët
“Jemi në bisedime. Por për cdo gjë të papastër në qytet, gishti I fajita drejtohet nga Higjiena komunale. Mendoj që në një afat të shkurtër do të gjejmë një zgjidhje.
Zëvëndës ministri i shëndetësisë Asim Musa, nuk deshi të sqarojë nëse është paguar borxhi i mbetur ndaj higjienës komunale, por sqaroi shkurt se problemi do të zgjidhet shumë shpejt” – deklaroi drejtori i N.P.” Higjiena Komunale”, Abdusamet Shabani.
“Ata treguan vullnet të mirë të na ndihmojnë edhe përkundër vështirësive që i kanë si ndërrmarje, shumë shpejt do ta zgjidhim problemin” – tha zv.ministri i shëndetësisë, Asim Musa.
Por pastrimi i Klnikës dhe të gjitha hapësirave të përbashkëta, nuk duhet të jetë obligim vetëm i ndërrmarjeve të pastrimit komunal. Këtë mësim ua dhanë qytetarëve aktorët e teatrit të dramës, të cilët , përkujtojnë se edhe qytetarët kanë përgjegjësi ndaj ambientit që vetë e ndotin. Megjithëse aktorët erdhën në klinikë sot, ata nuk pastruan, por vetëm inspektuan punën e punëtorëve të higjienës komunale.
“Qëllimi i tërë kësaj iniciative është që ta nxitin ndërgjegjen te qytetarët e pandërgjegjshëm dhe përgjegjësinë e tyre ndaj mjedisit. Do të tentojmë të bëjmë revizion të asaj që e ka bërë “Higjiena Komunale”. – u shpreh Sanja Arsovska, aktore në Teatrin e dramës.
Oborri i klinikës më në fund u pastrua. Mbetet të shihet se sa shpejt do të gjejnë zgjidhje institucionet që të mos përsëriten më pamjet tronditëse të pisllëkut që pamë këto ditë.