18 persona janë lënduar në një aksident afër Klinës, në fshatin Grabanicë. Në aksident janë përfshirë 4 vetura ndërkohë që disa prej tyre janë nisur për në Spitalin Rajonal të Pejës.
Lajmin e kanë konfirmuar edhe nga Policia e Kosovës.
“Sot rreth orës 19:05 në fshatin Grabanicë të Klinës, ka ndodhur një aksident trafiku në mes katër veturave ku si pasojë 18 persona kanë marrë lëndime trupore. Të lënduarit janë dërguar me autoambulanca e disa të tjerë edhe me vetura private për në spitalin rajonal të Pejës”, ka konfirmuar zëdhënësi i Policisë së Kosovës për rajonin e Pejës, Driton Rugova.
