Një nënë ka ushqyer me gji vajzën e saj deri në moshën 9-vjeçare. Pavarësisht se është kritikuar shumë, madje është quajtur edhe pedofile për këtë, ajo nuk hoqi dorë.
Ishte vajza e saj 9-vjeçare, e cila vendosi që të mos pijë më qumësht gjiri. Sharon Spink, e cila ka 4 fëmijë, deklaroi se ushqyerja me gji për një kohë kaq të gjatë ka krijuar një lidhje mjaft të fortë mes saj dhe vajzës.
Me këtë veprim, 50-vjeçarja nga Anglia dëshiron që t’i inkurajojë të gjitha nënat që t’i ushqejnë fëmijët e tyre me gji aq sa ato e mendojnë të arsyeshme, pa u ndikuar nga mendimet e të tjerëve.
