Gjuetia ndaj faunës së egër është e ndaluar me ligj në Shqipëri.
Por ky ligj nuk zbatohet dhe për këtë janë përgjegjës të drejtpërdrejtë organet ligjzbatuese përkatëse. Në Shqipëri vazhdon gjuetia ndaj kafshëve të egra. Alarmin e jep gazetari Osman Stafa i cili ka shkrepur këto fotografi në një restorant në një fshat të Korçës.
“Vetëm tigri nuk eshte i Shqipërisë, është balsamosur në një kopësht zoologjik në Maqedoni. Të tjerat janë vrarë të gjitha në Shqipëri vitet e fundit. Pronari e tregonte me krenari këtë dhe thoshte, se këtej nuk vijnë “ligjzbatuesit”, kështu që hedhin “sacme” si të duan.
Madje më tregojnë se disa edhe e kanë kthyer në biznes. 500 euro kushtonte një kafshë e egër e vrarë dhe e balsamosur. Edhe ky pronar, të gjitha kafshet i kishte vrarë vetë, që nga ariu, pelikani kacurrel, dhelpra, sorkadhja, shqiponja, mjelma.
Këta “kopetentet” i pifshin dollinë Moratoriumit të Gjuetise. Tmerr i vërtetë, ajo cfarë u bëjnë kafshëve në Shqipëri, dhe për cfarë, për t’i shnderruar në objekte zbukurimi në lokalet e tyre. Jo vetëm një, por shumë kafshë, dhe janë aty, në lokale, ku edhe “(jo)zbatuesit e ligjit mund t’i shikojnë e të marrin masa”, shkruan Osman Stafa.