fbpx

Ndryshimet kushtetuese kaluan në Kuvend, pritet ratifikimi në Kuvendin e Greqisë

Kuvendi i Maqedonisë dje i miratoi ndryshimet kushtetuese që dilnin nga marrëveshja me Greqinë për zgjidhjen e çështjes së emrit, me çka Maqedonia e kreu obligimin e saj ndërsa tani pritet ratifikimi i marrëveshjes në Kuvendin e Greqisë, që do ta hapë rrugën e integrimit të vendit në BE dhe NATO.

Deputetët me shumicë prej dy të tretave me 81 deputetë miratuan amendamentet 33, 34, 35 dhe 35 të Kushtetutës së Republikës së Maqedonisë bashkë me ligjin kushtetues për zbatimin e amendamenteve, përcjell Telegrafi Maqedoni.

Seanca filloi më 9 janar por disa herë u anulua për shkak kërkesave të Lëvizjes Besa së Bilall Kasamit për ndërhyrje në amendamentet në pjesën e definimit të shtetësisë dhe diasporës. Marrëveshja u arrit për një pjesë të kërkesave të Lëvizjes Besa, ndërsa më parë u pranuat edhe kërkesat e Aleancës për Shqiptarët.

Maqedonia do ta ndryshojë emrin në Republikën e Maqedonisë së Veriut, ndërsa shtetësia mbetet maqedonase/qytetar i Republikës së Maqedonisë së Veriut.

Përmbajtjet që i merr PaCensurë nga burime tjera nuk i nënshtrohen licencës Creative Commons 1.0, e cila përndryshe është e zakonshme, për përmbajtjet të cilat i plason kjo platformë mediatike. Ju lutemi, konsultohuni me buruesit për marrje të përmbajtjeve të tilla.

Pa Censurë botohet në www.pacensure.com dhe mund të merren në tërësi, sipas licencës Creative Commons 4.0.