Një blogere udhëtimesh ka kapur momentin kur një krokodil kapi dronin e saj që po fluturonte, në moçalin Everglades të Florida-s. Sipas DailyMail Dev H Langer publikoi pamjet në TikTok, ku janë shikuar më shumë se katër milionë herë.
Videoja tregon dronin që fluturon mbi ujë derisa operatori i tij përpiqet të marrë një pamje nga afër të krokodilit. Krokodili, që grupi i referohet si George, mund të vërehet duke shikuar dronin që fluturonte mbi kokën e tij. Papritmas ai hidhet lart duke dalë nga uji dhe kafshon dronin fluturues.
Grupi mbetet në shok derisa krokodili fillon të përtypë pajisjen e shtrenjtë. Dikush prapa kamerës mund të dëgjohet duke thënë: ‘O Zot, ai po e ha atë!’. Pas disa momenteve, krokodili duket se kafshon bateritë e dronit, dhe tymi del nga goja e tij. Langer potencoi më vonë se krokodili nuk pësoi lëndime, duke shkruar në TikTok se “George është mirë dhe se ‘dukej përsëri i uritur’”.
@devhlanger
