Policia e Kosovës ka njoftuar se një person i infektuar me COVID-19, dje rreth orëve të mbrëmjes në Mitrovicë, është hasur në qytet.
Policia përmes raportit 24 orësh njofton se i dyshuari ishte verifikuar se rezulton në listën e personave të cilët kanë dalë pozitiv në testin për coronavirus.
Njoftimi i policisë:
Ndaj të dyshuarit mashkull kosovar është iniciuar lënda e rastit për shkak se ka qenë i infektuar me virusin Covid-19, nuk e kishte respektuar masën mbrojtëse vetë izolimit dhe kishte dalë në qytet. I dyshuari është verifikuar se rezulton në listën e personave të cilët kanë dalë pozitiv në testin e Covid-19. Në konsultim me prokurorin lënda e rastit procedohet në procedurë të rregullt, i dyshuari është detyruar të shkoi në shtëpinë e tij.
