Gani Dizdari, Gjykatës i Kushtetueses, nuk kalon vettingun.
Është ky vendimi që mori Komisioni i Pavarur i Kualifikimit pas procesit të verifikimit të pasurisë e figurës së gjykatësit. Sipas KPK Didari nuk justifikon pasurinë.
Një detaj ra veçanërisht në sy në deklarimin e pasurisë së gjykatësit dhe bëri jo pak bujë mediatike.
Për vitin 2009, Dizdari dhe vajza e tij deklarojnë dhurata në vlerën 15 300 euro nga dasma e kësaj të fundit, ndërkohë që nuk deklarohet asnjë shpenzim për dasmën.
PASURIA
Në vlerësimin e pasurisë nga KPK është konstatuar, apartament 95 metra katrore, 24 mijë lekë të blerë në vitin 1994. Apartament banimi te Gjiri i Lalsit 63 metra katrore plus ballkon në total 86 metra katrore, blerë për 3.3 milion lekë. Toke arë në Bathore 1000 metra katrore blere 344 mije leke. Apartament banimi i bashkëshortes 68 metra katrore blerë në vitin 1998, por sipas KPK nuk ka pasur burime për ta blere këtë apartament. Depozitë bankare 1.8 milion lekë dhe depozitë 8 mijë dollarë. Ndërkohë i rezulton një llogari 1.1 milion lekë në një bankë tjetër.
Tashmë Dizdari do të jetë jashtë sistemit të drejtësisë.
