Masa të reja restriktive nga komisioni, lokalet të punojnë deri në 18h, ndalim për tubime dhe festime nëpër banesa dhe sheshe


Komisioni për Sëmundjet Infektive do t’i rekomandojë Qeverisë një paketë të re të masave kufizuese për periudhën nga 18 dhjetor deri më 21 janar, në mënyrë që të shmanget rritja e numrit të pacientëve me kovid-19 në periudhën e ardhshme të festave.
“Rekomandimet për masat kufizuese drejtohen në disa segmente, në pjesën e riorganizimit të orarit të punës të hotelierëve, rekomandime për tubime publike, rekomandime për bashkësitë fetare dhe rekomandime në lidhje me punën e restoranteve në objektet e hoteleve” – deklaroi Ministri Venko Filipçe.

Rekomandimi për Qeverinë do të jetë që të mbyllen kafenet dhe restorantet në orën 6 të pasdites, në vend se në orën 21 sikurse tani.
Ndalimi i tubimeve në vendet publike mbetet në fuqi dhe njësitë e vetëqeverisjes lokale apelohen të intensifikojnë mbikëqyrjen për respektimin dhe zbatimin e kësaj mase. Në periudhën e ardhshme, Komisioni për Sëmundjet Infektive rekomandon ndalimin e grupimit në sheshe për natën e Vitit të Ri dhe festimin, si dhe çdo lloj tubimi gjatë festave, shtoi Filipçe.

Komisioni do të paraqesë një rekomandim për grupimin në apartamente për festat e ardhshme dhe do t’u rekomandojë hoteleve të mbyllin restorantet e tyre pas orës 21:00.
Lidhur me festat fetare, Komisioni për Sëmundjet Infektive tregon se ndalimi i tubimeve në natyrë i më shumë se katër personave është në fuqi, ndërsa brenda ndërtesave rekomandimi është që numri maksimal i njerëzve të mos jetë më shumë se 30% i kapacitetit hapësinor dhe të gjithë personat të jenë me maska.
Komisioni propozon të ndalohen të gjitha festimet e organizuara brenda punës.

Baby Boo