Më 9 mars LSDM-ja do t’i zyrtarizojë listat e kandidatëve për deputetë. Kreu i LSDM-së, Zoran Zaev thotë se Komisioni Verifikues është duke shqyrtuar propozimet e të gjitha degëve. Para 12 marsit, Zaev nuk përjashton mundësinë e takimit me kreun e PDSH-së, Menduh Thaçi me qëllim përfshirjen e këtij subjekti brenda koalicionit të LSDM-së.
DERI TANI NUK JEMI TAKUAR ME KREUN E PDSH-SË, MENDUH THAÇI. NË RAST SE VENDOSIM NË ORGANET E PARTISË, DITËVE NË VIJIM MUND TË MBAJMË TAKIM. UNË JAM PËR T’U TAKUAR DHE PARË REZULTATIN E TIJ. KEMI ANALIZA TË MJAFTUESHME SE SI JEMI NË TERREN, CILA ËSHTË GJENDJA JONË ETJ. POR, PËRSËRI DUHET TË TAKOHEMI. PËR LISTAT PËRFUNDIMTARE DO TË VENDOSIM TË HËNËN NË KONGRES – U SHPREH ZORAN ZAEV, KRYETAR I LSDM-SË.
VMRO-DPMNE-ja akoma nuk ka hartuar listat përfundimtare. Kryetari i këtij subjekti, Hristijan Mickoski ditë më parë deklaroi se organet e partisë janë duke punuar në këtë drejtim, duke mos përjashtuar mundësinë që listat të propozohen një ditë para 12 marsit kur edhe është afati përfundimtar për listat e deputetëve.
KËTYRE DITËVE DO T’I MBAROJMË ANALIZAT. STRUKTURA ËSHTË GATI DHE PO PËRFUNDOJMË EDHE NEGOCIATAT ME PARTNERËT E KOALICIONIT. PO BËJMË KONSULTIMET E FUNDIT EDHE ME STRUKTURAT PARTIAKE. TË MARTËN E ARDHSHME KEMI KOMITETIN QENDROR TË PARTISË KU EDHE DO TË KONSTATOHET LISTA PËRFUNDIMTARE E KANDIDATËVE PËR DEPUTETET ME TË CILËT VMRO-DPMNE-JA DO TA GAROJË NË ZGJEDHJET E 12 PRILLIT – DEKLAROI HRISTIJAN MICKOSKI, KRYETAR I VMRO-DPMNE-SË.
Aleanca për Shqiptarët dhe Alternativa të cilat në zgjedhje do të garojnë me lista të përbashkëta, pritet që deri në fund të javës propozimet t’i miratojnë në kryesitë qendrore.
NË KUVENDIN QENDROR E KEMI MË 11 MARS DHE ATËHERË DO T’I DINI EMRAT E SAKTË TË DEPUTETËVE TANË. NJË GJË ËSHTË E SIGURT SE ZOTI SELA SI BARTËS LISTE NË NJËSINË E GJASHTË DO TA FITON ALI AHMETIN – THA ARBEN TARAVARI, SEKRETAR I PËRGJITHSHËM I ASH-SË.
BDI emrat përfundimtarë të deputetëve do t’i kumtojë nga mbledhja e Kryesisë Qendrore në fundjavë.
