Ligjvënësit nga të dy partitë po i bëjnë presion Presidentit të SHBA-ve Donald Trump për të ushtruar një vijë më të ashpër ndaj Moskës pas një incidenti në det midis Ukrainës dhe Rusisë, e cila ka ngritur tensionet midis dy fqinjëve.
Disa ligjvënës shprehën shqetësime pasi flota e Ukrainës tha se anijet ruse qëlluan dhe kapën tre prej anijeve të luftës të dielën, duke plagosur gjashtë anëtarë të ekuipazhit ukrainas. Rusia gjithashtu e mbylli kalimin Kerch, një rrugë ujore kryesore midis Detit Azov dhe Detit të Zi, duke i vendosur të dy vendet buzë një lufte te madhe.
Incidenti sugjeron se veprimet e SHBA dhe Evropës kanë dështuar të pengojnë agresionin ruse dhe ngritën pyetjen nëse Trump do të përpiqet të bashkoj aleatët.
Të hënën, anëtari i Komitetit të Punëve të Jashtme të Dhomës, Republikani Eliot Engel, dha mbështetjen e tij për dërgimin e armëve mbrojtëse të Ukrainës, të cilat mund ta bëjnë Putinin të reflektoj për agresionin e vazhdueshëm ndaj Ukrainës.
“Nëse Putini fillon të shohë viktima ushtarake ruse, ai ndryshon ekuacionin e tij,” tha Engel.
Kryetari i Komitetit të Shërbimeve të Armatosura të Senatit Jim Inhofe, kërcënoi sanksione të reja mbi Rusinë dhe bëri thirrje për një përgjigje të koordinuar midis SHBA dhe aleatëve të saj evropianë.
“Nëse Putini vazhdon ngacmimin e Detit të Zi, Shtetet e Bashkuara dhe Evropa duhet të konsiderojnë vendosjen e sanksioneve shtesë ndaj Rusisë, duke futur një prani më të madhe të SHBA dhe NATO në rajonin e Detit të Zi dhe duke rritur ndihmën ushtarake për Ukrainën, siç kërkohet në [ ligj], “tha Inhofe në një deklaratë të hënën.
