Kuvendi i Maqedonisë së Veriut sot voton ministrat e rinj të Qeverisë


Kuvendi i Maqedonisë së Veriut sot duhet t’i votojë propozimet për shkarkimin e anëtarëve aktualë të Qeverisë dhe zgjedhjen e ministrave të rinj.

Deputetët do të votojnë për zgjedhjen e Trajan Dimkovskit ministër të ri të Bujqësisë, Naser Nuredinit për Mjedis Jetësor, Hysni Ismailit për Kulturë, Goran Milevskin për Pushtet Lokal dhe Sadulla Durakun për Sistem politik dhe marrëdhënie mes bashkësive, dhe kryeministrin Zoran Zaev për ministër të Financave, funksion të cilin do ta ushtrojë në periudhë të caktuar bashkë me funksionin kryeministër të Qeverisë.

Kuvendi duhet t’i shkarkojë Dragan Tevdovskin nga funksioni ministër i Financave, Lupço Nikollovskin nga funksioni ministër i Bujqësisë, Suhejl Fazliu nga funksioni ministër i Pushtetit lokal, Sadulla Duraku nga ministër i Ekologjisë, Zoran Shapuriq nga funksioni ministër pa resor i angazhuar për investime të huaja, Hazbi Lika nga funksioni ministër për zbatimin e MO-së.

Emrat e ministrave të rinj në Qeveri, kryeministri Zaev i shpalli të dielën në Vallandovë. Popozimi i ishte dorëzuar kryetarit të Kuvendit, Talat Xhaferi.

Të gjitha ndryshimet kadrovike në pushtetin ekzekutiv, Zaev pret të përfundojnë deri në fund të muajit dhe paralajmëroi se pret me rikonstruimin të bëhet ndryshim edhe i 20 vendeve në pushtetin qendror.

Baby Boo