Këngëtari i njohur, Aleksandër Gjoka, ka shpërthyer në të shara kundër kryeministrit Edi Rama për izolimin e vendit. Videoja e tij është bërë virale në rrjet dhe në të dëgjohen ofendime të ndryshme drejtuar Ramës dhe jo vetëm.
Gjoka shfaqet shumë i revoltuar për masat e marra për parandalimin e përhapjes së koronavirusit. Ai thotë se me mbylljen në shtëpi e ka bërë të gjithë popullin të flasë me vete. Këngëtari shprehet se e ka besuar Edi Ramën si “çun Tirone”, por është shumë i zhgënjyer prej tij. Në fund ai i drejtohet i indinjuar dhe me sharje figurave të njohura politike, duke përmendur Lulzim Bashën dhe ish-kryeministrin Sali Berisha.
