Kush është Qerim Kelmendi: Ish-ushtari i UÇK’së që fillimisht u ekzekutua e pastaj ju dogj trupi në këtë vend

Qerim Kelmendi është gjendur i vrarë në fshatin Zahaq të Pejës, ai po dyshohet se fillimisht është ekzekutuar e pastaj ju është djegur vetura dhe trupi i tij brenda saj.

Sigma Doors

Policia e Kosovës ka deklaruar se dje gjatë gjatë mesnatës, brenda një veture të tipit ‘Pasat’ është gjetur trupi i djegur i Qerim Kelmendit .

Në vendin e ngjarjes kanë dalur njësitet relevante të sektorit rajonal të hetimeve, njësiti K9, si dhe prokurori i shtetit dhe ekipi mjekësor, të cilët kanë konstatuar vdekjen e viktimës.

Ndryshe Qerim Kelmendi, është vëllai i Ibrahim Kelmendit, ish-anëtarit të Lëvizjes Popullore të Kosovës.

Po ashtu Qerim Kelmendi ishte pjesëtar i Ushtrisë Çlirimtare të Kosovës (UÇK).

Njoftimi i plotë i policisë:

Me datën 27.02.2020 rreth orës 01:27, Policia e Kosovës Drejtoria Rajonale e Policisë në Pejë, është informuar se në fshatin Zahaq-Pejë, në një rrugë është duke u djegur një veturë.

Me të marrë informatën njësitet e Stacionit Policor në Pejë kanë shkuar në vendngjarje, ku vërejtur një veturë e cila ishte përfshirë tërësisht nga zjarri. Në vendin e ngjarjes kanë arritur njësitet e zjarrfikësve të cilët e kanë shuar në tërësi zjarrin.

Gjatë kohës derisa zjarrfikësit ishin duke lokalizuar zjarrin në brendësi të veturës është vërejtur një person (viktimë mashkull) trup i karbonizuar.

Vendit të ngjarjes i janë përgjigjur njësitet relevante të sektorit rajonal të hetimeve, njësiti K9, si dhe prokurori i shtetit dhe ekipi mjekësor, të cilët kanë konstatuar vdekjen e viktimës.

Gjatë shikimit të vendit të ngjarjes është konstatuar se vetura e djegur është e tipit VW Passat me targa vendore.

Sektori Rajonal i Hetimeve pranë Drejtorisë Rajonale të Policisë në Pejë, ne bashkëpunim të plotë me prokurorin e shtetit janë duke u marrë të gjitha veprimet hetimore për të sqaruar rrethanat e këtij rasti të cilësuar ‘vrasje’ dhe janë duke u bërë përpjekje maksimale për të identifikuar kryesin ose kryesit e mundshëm.Metro