Kurz: Austria mbështet fuqishëm vendet e Ballkanit Perëndimor në rrugën drejt BE-së


Kancelari austriak Sebastian Kurz tha në Vjenë sot se Austria i mbështet fuqimisht vendet e Ballkanit Perëndimor në rrugën e tyre drejt BE-së dhe vlerësoi se stabiliteti i Evropës varet në masë të konsiderueshme nga stabiliteti i atij rajoni.

Në një konferencë të përbashkët shtypi, pas mëngjesit të punës me kryeministrat e pesë vendeve të Ballkanit Perëndimor, Kurz tha se Austria është një partner i fuqishëm për vendet e Ballkanit Perëndimor, me të cilin ka lidhje të forta historike, ekonomike, politike, kulturore dhe njerëzore.

“Mendojmë se BE do të jetë e plotë vetëm kur Ballkani Perëndimor të jetë në të dhe për këtë ne i mbështesim ato vende në rrugën drejt BE-së dhe ne kemi një fokus të veçantë në këtë rajon gjatë presidencës sonë të BE”, tha ai.
Kurz tha se pjesëmarrësit në mëngjesin e punës patën mundësinë të përqendrohen në tre çështje të rëndësishme – në rrugën drejt BE-së, bashkëpunimin rajonal të nevojshëm dhe zgjidhjen e konflikteve dypalëshe.
Ai falënderoi të gjithë kryeministrat për bashkëpunimin e mirë midis Austrisë dhe vendeve të tyre, por edhe për komisionarët evropianë, veçanërisht Komisionarin Evropian për Zgjerimin Johannes Hahn, për atë që po bën në rajon.

Kryeministrat e Kosovës, Shqipërisë, Malit të Zi, Serbisë Ramush Haradinaj, Edi Rama, Dushko Markoviq, Ana Brnabiq, kryetari i Këshillit të Ministrave të Bosnje dhe Hercegovinës, Denis Zvizdiq, Johannes Hahn dhe Komisionari i BE për Shoqërinë dhe Ekonominë Digjitale, Maria Gabrieli ishin në takimin e mëngjesit të punës.

Baby Boo