Ministria për punë të jashtme e Republikës së Maqedonisë së Veriut njofton se sot është organizuar kthimi i 118 shtetasve tanë nga Malta, derisa në orët e pasdites pritet kthimi edhe i shtetasve tanë nga Kroacia.
Kthimi i shtetasve është bërë me avio-kompaninë Wizzair, e cila në thirrjen publike ka ofruar çmimin më të lirë. Nga MPJ përkujtojnë qytetarët se harxhimet për transportin e tyre duhet t’i shlyejnë vetë, derisa për vendosjen në karantinën shtetërore harxhimet i paguan shteti.
Nga Ministria e Jashtme gjithashtu njoftojnë se në frymën e solidaritetit dhe bashkëpunimit të mirë rajonal gjatë këtyre fluturimeve do të merren edhe 9 shtetas të huaj, 4 nga Kroacia, 4 nga Mali i Zi dhe një nga Kosova.
