Kryetari i Komunës së Vallandovës Pero Kostadinov, së bashku me Safet Vatiq përfaqësues i firmës “Vato DOO – Studeniçan”, e cila është e akuzuar nga Prokuroria Speciale në lëndën “Trust”, kanë nënshkruar marrëveshje për rikonstruimin e një pjese të bulevardit në rrugën “Prvomajska” në Vallandovë.
“Qëllimi i marrëveshjes është rregullimi i pjesës së dëmtuar të bulevardit dhe mundësimi i rritjes së sigurisë për pjesëmarrësit në komunikacion”, ka shkruar në Facebook, kryetari i Vallandovës.
Mjetet për këtë projekt janë siguruar nga Bashkimi Evropian, përmes fondeve IPA.
Përndryshe, për muajin e ardhshëm janë caktuar fjalët përfundimtare për rastin “Trust” kur firma “Vato DOO” është e akuzuar për keqpërdorim të procedurës për shpallje publike./Telegrafi
