Kinë, zbulohet një shtëpi prehistorike me “ajër të kondicionuar”

Një ekip arkeologësh zbuloi në Rajonin Autonom të Mongolisë së Brendshme, në Kinën veriore, një shtëpi prej guri, që daton nga Epoka e Bronzit, e ndërtuar në mënyrë të tillë për të garantuar rregullimin e temperaturës, raporton “Xinhua”.

Baby Boo

Instituti për Zbulimet Kulturore dhe Arkeologjike raportoi se rezidenca e lashtë, në vendin e rrënojave Xiaotangshan, karakterizohet nga një strukturë e tillë që i mundësonte ndërtesës të ishte e freskët në verë dhe e ngrohtë në dimër.
Lian Jilin, një studiues në institut, shpjegoi se shtëpia përbëhet nga tre mure rrethore prej guri, me rreth një metër distancë nga njëra-tjetra, dhe me mure ndarëse qendrore për të drejtuar rrymat e ajrit. Zona e brendshme rrethore ishte ndërtuar rreth një metër nën tokë dhe ndihmonte në rregullimin e temperaturës së brendshme.