Kim Jong-un ndalon flokët e gjatë dhe xhinset e ngushta!


Diktatori komunist koreano-verior Kim Jong Un ka ndaluar së fundmi në vend stilet e flokëve ‘bisht-pëllumb’ të viteve 1990-të dhe xhinset e ngushta, pasi reflektojnë kulturën “dekadente” perëndimore që mund të influencojë të rinjtë në regjimin e tij “të pastër komunist”.

Siç raporton tabloidi britanik “The Sun”, bazuar në të përditshmen e Seulit, ‘Rondong Sinmun’, Korea e Veriut ka 15 prerje të aprovuara të flokëve për meshkuj.
“Ne duhet të jemi vigjilentë për çdo shenjë të stilit kapitalist të jetesës dhe të luftojmë për t’i eliminuar ato”, shkruhet në të përditshmen zyrtare të partisë komuniste të Penianit, e cila ndalon gjithashtu bluzat me slogane të shkruara në to, si dhe ‘piercing’ në fytyrë.

Agjencia koreano-jugore Jonhap tha se editoriali në të përditshmen e Seulit kishte si qëllim të parandalonte të rinjtë vendas kundër stileve “ekzotike e dekadente” të jetesës, në të cilat përfshiheshin dhe muzika e grupeve koreano-jugore.

Ndër kohë qeveria e Kim ka thënë se do të rinisë së shpejti testimet e armatimeve raketore e bërthamore, si pjesë e fushatës së presionit për të detyruar SHBA të heqë sanksionet ekonomike ndaj vendit.
Gjenerali që drejton forcat amerikane në Korenë e Jugut tha se lideri verior Kim Jong Un do të përpiqet të veprojë edhe me diplomaci me SHBA, por mund të marrë dhe hapa agresive.

Baby Boo