Karakaçanov: Maqedonia nuk do të anëtarësohet në BE, derisa nuk çlirohet nga komplekset jugosllave

“Retorika anti-bullgare në Maqedoni vazhdon për shkak komplekseve të vjetra, që u krijuan gjatë kohës socialiste. Fatkeqësisht, për momentin në Maqedoni sundon elitë politike e cila e ka filluar karrierën gjatë Jugosllavisë komuniste, kur Bullgaria prezantohej si armiku kryesor”.

Baby Boo

Këtë e ka thënë ministri i Mbrojtjes së Bullgarisë, Krasimir Karakaçanov, sipas të cilit Maqedonia e Veriut nuk do të anëtarësohet në BE nëse nuk çlirohet nga komplekset jugosllave.
“Në dekadat e fundit, politikanët maqedonas nuk kanë arritur të çlirohen nga kompleksi jugosllav dhe nga dëshira për të krijuar identitet të ri për popullin e tyre, ata vazhduan me politikat anti-bullgare”, tha Karakaçanov në një intervistë për “Trud”.

Sipas tij, maqedonasit vendosën ta “mashtrojnë” Sofjen me nënshkrimin e marrëveshjes për fqinjësi të mirë në vitin 2017.
Ai thotë se pas nënshkrimit të marrëveshjes Maqedonia nuk ka ndërruar asnjë fjalë në librat shkollor, në të cilat sipas tij, ka informacione të pasakta për historinë e Bullgarisë.

Restorant Lumare